Мектеп оқушыларына кәсіби бағдар жұмыстары жүргізілді

14-18 сәуір аралығында университетті таныту мақсатында Оңтүстік Қазақстан облысы Қазығұрт, Сарыағаш, Мақтарал, Шардара аудандарының жалпы білім беретін орта мектептеріне кәсіби бағдар жұмыстары жүргізілді.
Кәсіби бағдар бөлімінің маманы Ақ-әділ Алайдаров пен Құқықтану кафедрасының оқытушысы Нұрсұлтан Пошанов Қазығұрт, Сарыағаш, Мақтарал, Шардара аудандарындағы жалпы орта білім беретін мектептің оқушыларымен кездесіп, кәсіби бағдар жұмыстарын жүргізіп қайтты.
«Мектеп бітірушілерін университетке оқуға қабылдау ережесімен және жеңілдіктер беру тәртібімен таныстырдық. Университет тарапынан көрсетілетін мүмкіндіктер туралы көптеген ақпараттар бердік. Мектеп оқушыларына жарнамалық өнімдер таратылды, университет туралы бірнеше роликтер көрсетілді», – дейді Ақ-әділ Әбушахмаұлы .
Университеттің позитивтік бейнесін арттыруға бағытталған іс-шаралар алдағы уақытта да өз жалғасын табатын болады. Жалпы орта білім беретін мекемелермен қарым-қатынас ұлғая түседі.
Кәсіби бағдар бөлімі.