Ұлы Жеңіс күні құтты болсын!

Қымбатты университетіміздің оқытушы-профессорлары және қызметкерлері, Сүйікті студенттер!

Құрметті Ұлы Отан Соғысы ардагерлері! Қымбатты ержүрек сарбаздар! Сіздерді 7-мамыр Отан қорғаушылар күнімен, 9-мамыр – Ұлы Жеңіс күнімен және Ұлы Жеңістің 70 жылдық мерейтойымен шын жүректен құттықтаймын!

Сіздердің көрсеткен ерліктеріңіз, отансүйгіш­тіктеріңіз, бірліктеріңіз, бауырмалдық және ынтымақтастық қасиеттеріңіз бүгінгі күнге дейін ұрпақтан ұрпаққа жалғасып келе жатқан үлкен ұлы құндылық болып табылады. Сондықтан да сіздерге зор құрмет көрсету парызымыз.

Бұл мерекелер – жанқияр ерліктің, еңселі елдіктің рухы өрлеп, Жеңіс жалауы желбіреген күн. Тәуелсіздік тұғырының берік, еңсеміздің биік болуы, еліміздің өркендеуі – осынау мерекеміздің жемісі.

Жеңіс күні – ең қымбатты, мәртебелі мейрам, халқымыздың ерлігі мен даңқының жарқын көрінісі. Ерлік пен қаhармандықтың өшпес өнегесін ұлықтау бізге парыз.

Жеңіс күні – елдік пен ерліктің, батылдық пен қаhармандықтың символы іспеттес.

Қымбатты университет ұжымы, сіздерге зор денсаулық, қуаныш пен шаттыққа толы ұзақ ғұмыр, отбасыңызға бақ-береке, бірлік, тыныштық, мол жақсылық,бейбіт ғұмыртілеймін!

Жеңіс алауын жаққан, Отан үшін от кешкен ардагер аталарымызға мәңгі тағзым! Ерлік шежіресі ұрпаққа ұлағат! Ерлік пен даңқ мәңгі біздің жадымызда!

 

 

Құрметпен;

университет президенті,
профессор У.С.Әбдібеков.