«Жайдарман» көңілділер мен тапқырлар сайысы

10-желтоқсан күні ХҚТУ Мәдениет орталығында студенттер арасында ХҚТУ продюсерлік орталықтың, Жастар ұйымының ұйымдастыруымен «Жайдарман» көңілділер мен тапқырлар сайысы өтті.

Сайыста жалпы 8 команда бақ сынасты:

1. «Әзіл серілер» - Дайындық, тіл үйрету орталығы
2. «Демеушіміз деканат» - Еркін құрама
3. «Жарфак» - Жаратылыстану факультеті
4. «Өнер» - Өнер факультеті
5. «Күлкі квотасы» - Еркін құрама
6. «Найзағай» - Өнер факультеті
7. «M. Laif» -Медицина факультеті
8. «Журналистер» - Филология факультеті.

Кештің ашылу салтанатында Әлеуметтік және мәдени істер департаментінің директоры Л.Есентаева құттықтау тілегін айтып, әзіл-қалжыңмен қоғамдағы мәселелерді жеткізетін жастарға сәттілік тіледі.

Қазылар алқасы - айтыскер ақын Тұрар Тілеулиев, ХҚТУ Мәденеит орталығының директор орынбасары Жанболат Досболов, «Жастар» ұйымының төрағасы Бағлан Ермаханов.  

«Жайдарманды» жүргізуші – университет түлегі, белгілі әнші Нұржан Зұлпыхаров.

Бұл сайыс «Жайдарманның» жартылай финалы. Алдағы уақытта Жастар ұйымының кубогы өтеді.

Ақтық сайыс «Жайдарман» финалына жолдама алған «Жарфак», «Өнер», «Журналистер» командалары. Ал, «Демеушіміз деканат», «Найзағай» командаларының тағдыры Жастар ұйымының кубогында белгілі болады.

 

PRмедиа орталығы.